1. Home
  2. Новости
  3. КСС бара покачување на платите во јавниот сектор согласно порастот на минималната плата

КСС бара покачување на платите во јавниот сектор согласно порастот на минималната плата

КСС бара покачување на платите во јавниот сектор согласно порастот на минималната плата
0
146 ПРЕГЛЕДИ

Конфедерацијата на слободни синдикати на Македонија (КСС) денес одржа прес-конференција на која јавно зборуваше за најновото покачување на минималната плата од 15,9 %. Претседателот Благоја Ралповски го поздрави ваквото покачување, но сепак смета дека минималната не е доволна за да ги задоволи потребите на четиричлено семејство, согласно синдикалната кошничка. Претседателот истакна дека минималната плата бележи пораст, но платите во јавниот сектор остануваат исти и мора да се усогласат платите согласно покачувањето на минималната плата, бидејќи постои изедначување на платите на носителите на дејност со минималната плата и стеснување на распонот на платите по вертикала.

“Согласно член 8 од Законот за минимална плата, посотојните колективните договори мора да се усогласат во рок од 6 месеци од стапувањето на сила на законот, меѓутоа законите и колективните договори грубо се прекршуваат, а со тоа се нанесува штета на огромен број на вработени во јавниот сектор”, нагласи Претседателот на КСС, Благоја Ралповски.

Претседателот на СОНК, Јаким Неделков исто така истакна дека во детската заштита и образование вработени на различни позиции, со различен коефициент на сложеност и со различни бодови земаат иста плата  и исто така истакна дека ако законот налага да се се усогласат колективните договори тоа мора и да се направи, во спротивно оваа урамниловка ќе оди до бесконечност, а решението е платите да растат согласно покачувањето на минималната плата.

Презентација од прес- конференција 11.12.2019