СТОП ЗА ПРОГОНОТ НА СИНДИКАЛНИТЕ ПРЕТСТАВНИЦИ! – Поддршка од Синдикатот на полицијата

Синдикатот на Полиција во Македонија изразува силна поддршка за претстојниот протест организиран од страна на Конфедерација на слободни синдикати на Македонија – КСС.

„Од името на Синдикат на Полиција во Македонија – СПМ сакаме да изразиме силна, безрезервна  и искрена поддршка за Вашите барања. Како Синдикат ја поздравуваме Вашата подготвеност да делувате и придонесувате кон борбата за подобрување на правата на работниците.

Основна карактеристика на една модерна држава претставува почитување на човековите права. За жал Република Македонија не е таков пример. Незамисливо е една држава која се залага да биде дел од Европската Унија, во рамките на полицијата на своите вработени да не им ги овозможи основните права, да не сопира членарина на синдикатот, незаконски распоредувања, опрема, услови……

Поддршката за организираниот Протест на ден 15.04.2021 година несебично ќе Ви ја дадеме и ќе се бориме заедно со Вас пред се за правата на сите работници, како и за остварување на Вашите заложби за достоинство и професионализам во оваа и сите институции.“

Заедно ќе кажеме „СТОП ЗА ПРОГОНОТ НА СИНДИКАЛНИТЕ ПРЕСТАВНИЦИ“!

Заедно ќе кажеме ДОСТА Е, ПРЕТЕРАВТЕ!

   Доаѓа времето кога КСС ќе прерасне во СИЛА НА НОВОТО ВРЕМЕ. Тоа време доаѓа……

                 Се гледаме на протест на 15.04.2021 година.

Синдикален поздрав!!!