Најавен протест на Синдикат на полиција во Македонија

Синдикатот на полицијата во Македонија- СПМ поради крајно лошата положба на полицијата во Македонија организира протест на 08.05.2021 година ( сабота ). Се тргнува во 11:30 часот пред канцелариите на Европската Унија и се продолжува пред Владата на Република Македонија.

Дел од барањата кои синдикатот ќе ги искаже на протестот се:

• Зголемување на платите во Полицијата
• Тендер за сите видови на униформа во Полицијата
• Да се престане со незаконските распоредувања
• Додаток за борбата против коронавирусот
• Нов Колективен договор во МВР со учество на сите Синдикати,
• Да се постават професионалци на чело во МВР
• Да се престане со мобингот врз вработените
• Владеење на правото во МВР
• Да се престане со пресметката со синдикалните претставници

Упатуваме апел до сите истомисленици да се приклучат и да го поддржат овој протест.

Напомена: За време на протестот ЗАДОЛЖИТЕЛНО придржување кон протоколите на Владата за заштита од вирусот „Ковид19“.