Денес насекаде низ светот се одбележува Меѓународниот ден на жената.
На овој ден се одбележува борбата на жените за економска, политичка и социјална рамноправност .
Почнувајќи од Првата меѓународна конференција на жените одржана во 1910 година, па се до денес постои борбата на жените за подобрување на нивниот социо-економски статус во општеството.
Симболиката е актуелизирање на барањата за подобрување на условите за жените во сите сфери на општественото живеење, квалитетот на животот, условите на работа, заштита од вознемирување на работното место, пристап и учество во политичкиот живот и слично.
На 8ми Март го одбележуваме се она што успеале да го направат Клара Цеткин и Роза Луксембург, но и се потсетуваме дека за рамноправноста треба да се работи преку целата година, а не само еден ден.
Конфедерацијата на слободни синдикати на Македонија со своето делување им помага на жените со едукација, да бидат свесни за своите права, им помага во борбата против дискриминацијата, во борбата против мобинг и сексуално вознемирување на работното место, баи низа други активности кои се спроведуваат преку секцијата на жени при КСС.
