Во рамките на проектот “Унапредување на социјалниот дијалог” чии што активности се насочени кон зајакнување на капацитетите на националниот и локалните економско-социјални совети, беше организирана средба на националниот економско-социјален совет со локалните економско-социјални совети која се одржа на 7ми март во х.Арка во Скопје.
Со цел да се воспостави поголема соработка меѓу овие економско-социјални совети беа направени анализи за теми кои се од нивен интерес и тоа:
- Проценка на македонскиот пензиски систем
- Следење на ефектите од минималната плата
- Ефектите од персоналниот данок и придонесите од плата
- Можност за воспоставување фонд за унапредување на социјалниот дијалог во земјата
По направеното резиме на овие анализи и донесените заклучоци врз основа на дискусијата се формулираа препораки и предлог политики кои треба да се применуваат во иднина.
Исто така се констатираше дека овие анализи се добра основа за понатамошното функционирање на ЕСС и дека се од важност за социјалниот дијалог.
Оваа средба е организирана од страна на проектот “Унапредување на социјалниот дијалог” кој го финансира Европската унија, а го спроведува Меѓународната организација на трудот.
