ПРОТЕСТ НА КСС 15.04.2021

0

Денес се одржа голем протест на КСС со кој се искажа големото незадоволство на работниците во Македонија.

Паролата на овој протест беше ” ДОСТА Е – ПРЕТЕРАВТЕ! “

Поради состојбата со пандемијата протестот беше организиран со возила кои ја надминаа бројката од 350  возила.

Ова покажува дека голем дел од работниците сакаат да порачаат на владата дека е доста и дека претеравте!

Протестот започна во 16:00 часот од збирното место спроти Македонска радио телевизија се до Собранието за на крај да заврши пред Владата.

Пред Собранието, Претседателот на КСС одржа краток говор, а потоа со голем транспарент со паролата се продолжи до Владата на Република Македонија.

Пред Владата најпрво се обрати Претседателот на КСС, Благоја Ралповски кој ги пренесе барањата,  а дел од нив се:

  • да престане непочитувањето на законите од трудовата област
  • да се почитува законот за минимална плата
  • да се направи усогласување на платите согласно колективните договори
  • да престане притисокот врз синдикалните лидери и синдикатот
  • да престане непостапувањето на институциите на системот при прекршување на законите

Потоа Претседателите на гранските синдикати при КСС се обратија до Владата со говор во кој ги кажаа своите барања.

Протестот беше поддржан и од многу други синдикални организации и здруженија кои се заедно со нас во борбата против прекршувањето на работничките права кои напротив треба само да се унапредуваат, а тоа на оваа власт изгледа не и е во приоритетите.

По овој протест очекуваме дека  Владата ќе  се потруди да воспостави социјален дијалог и дека ќе ги исполнат барањата кои ги има КСС.

Ви пренесуваме дел од протестот.

Сподели на социјални медиуми

Copyright kss.mk