Конфедерацијата на слободни синдикати на Македонија – КСС е дел од проектниот конзорциум што учествува во проект заснован на европскиот документ „Рамковен договор на европските социјални партнери за дигитализација“ – потпишан на 22 јуни 2020 година од страна на европските социјални партнери,
Проектниот конзорциум се состои од 10 организации од 5 земји. Водач на проектот е Националната комисија на NSZZ „Solidarniść“, ко-апликанти се: CISL (Италија), BLOCUL (Романија), Konfederacja Lewiatan (Полска), Instrat Foundation (Полска) и придружните организации: Европската конфедерација на синдикати (ETUC), синдикати: ЛПС „Solidarumas“ (Литванија), КСС (Македонија) и организации на работодавачи – ЛДК (Литванија) и ОРМ (Македонија).
Како одговор на пандемијата, повеќето компании го променија начинот на работа, при што комуникацијата со клиентите и добавувачите се базира главно на дигитални алатки. За жал, тоа повлекува и бројни ризици, бидејќи практиките на дигиталните гиганти вклучуваат надзор (пристап до лични податоци), дискриминација (исклучување на корисници) и манипулација (на пр. микро-таргетирање за комерцијални и политички цели).
Дополнителна закана е и воведувањето на алгоритми за проценка на способноста на работникот, и на база на тие алгоритми работодавачите донесуваат одлуки, меѓу другото, за бонуси и унапредувања.
Поради оваа причина, станува неопходно социјалните партнери да се запознаат со предизвиците поврзани со процесот на дигитализација.
Тековниот проект има за цел:
1.Создавање услови за развој на Национални Акциски Планови за подготовка за спроведување на правото на исклучување преку анализа на постојниот правен статус и развивање на каталог на добри практики;
- Да се зголеми знаењето на социјалните партнери за подобрување на работните услови во контекст на правото на исклучување, дигиталната писменост и работното време преку обука и промотивни активности.
Проектот е фокусиран на предизвиците, придобивките и ризиците поврзани со присуството или воведувањето на дигитални алатки на работното место преку експертски и тренинг активности насочени кон социјалните партнери од 5 европски земји (Полска, Италија, Романија, Литванија, Македонија) на национално, секторско, регионално и ниво на компанија. Темите за обука ќе вклучуваат: право на исклучување, заштита на податоците и приватност, употреба на нови технологии на работното место, заштита на работното време на вработените при работа на далечина, разлики помеѓу работа на далечина и далечинско работење, спречување на непропорционален и прекумерен надзор на работното место, дискриминаторски третман заснован на пристрасни алгоритми.
Целта е да се развијат Национални Акциони Планови во секоја земја партнер со цел да се имплементира Рамковниот Договор за Европски Социјални Партнери за Дигитализација (EFAD), особено во областа на правото на исклучување (R2D) и истите да бидат одобрени од националните репрезентативни социјални партнери.
Резултати од проектот:
- Отворање на дебата за Правото на исклучување (R2D) со цел да се зајакне социјалниот дијалог во 5 земји на ЕУ преку развивање на Национални Акциони Планови во оваа област.
- Иницирање имплементација на „Рамковниот договор на европските социјални партнери за дигитализација“ во земјите партнери.
- Развој на нов модул за обука кој може широко да се користи во програмите за обука што ќе ги спроведуваат социјалните партнери во областа на дигиталната трансформација.
- Зголемено знаење за предметната област опфатена со Договорот за дигитализација кај социјалните партнери.
- Зголемена свест за предностите и недостатоците на работа на далечина кај социјалните партнери на ниво на претпријатие.
- Спроведување на компаративна анализа на собраните прашалници.
- Развој на финален извештај кој ги содржи резултатите од работата на експертите на проектот, препораки за актерите во социјалниот дијалог и каталог на добри практики на европско, национално и работно ниво.
- Дисеминација на резултатите од проектот.
Времетраење на проектот: 24 месеци, 1 септември 2022 година – 30 август 2024 година.
